Outono

Chegou o outono e con el trouxo novas cancións , poesías, adiviñas, contos, cantigas ...

• CONTO:

" A castaña que rebentou  coa risa"

• ADIVIÑAS :

Unha vella carcomida,

tivo un fillo enredador,

moitos fillos caladiños 

máis un neto falador               

(cepa, uvas e viño)                         

                                                           

Ave teño de nome

 de lá o revestimento 

o que non adiviña 

non ten discorremento.

Alta estou 

ladrón vexo vir

do meu caparucho

non podo fuxir

Ten pelexo coma a xente 

 é moi boa para comer é moi boa para comer 

chega polo mes de Santos 

e todo o ano a tés.

Eu nacín dentro dun berzo, 

cal é a cousa, 

ten tres capas de inverno:

a primeira 

mete medo, 

a segunda é lustrosa 

e a terceira é amargosa? 

Alto me vexo  

no meu capelexo  

por unha risada  

quedeime sen nada

Alto está 

barbas ten barbas  

ri e solta o que ten.

• CANCIÓNS:

• BITS FRUTOS DO OUTONO :

• CANTIGAS:

"As castañas son castañas, os ourizos son ourizos; 

os ollos da túa cara, para min son dous feitizos" 

"Canta a rula, canta a rula, canta a rula naquel souto; 

probiño daquel que espera polo que está na man doutro" 

"¡Dáseme tanto por ti, como si nunca te vira! 

¡encólgate nun castaño coas pernas para riba! 

“"A aldea de Palavea, de lonxe parece vila 

ten corredoira na entrada, e un souto sin salida."” 

"Acabáronse as vendimas ahí veñen as esfolladas 

para comer coas nenas catro castañas asadas" 

"Has de cantar que che ei de dar zonchos, 

has de cantar que che ei de dar moitos; 

has de cantar e has de cantar, 

has de cantar que chos hei de dar." 

" Teño un castiñeiro alto, 

 no tronco ten mil enredos, 

tampouco os enamorados 

poden te-los ollos quedos." 

"Santo que estás no canizo 

bota castañas embaixo 

que anque non teño mandil, 

apáñochas co refaixo." 

• POEMAS:

As árbores espidiñas, 

Sen follas, 

Sen folliñas. 

Os esqueletos de xeo amosan 

Os seus outonos, 

Os seus laios, 

Os seus soños. 

   

Unha alfombra cobre o chan 

Tapiz de follas caídas, 

Que veñen e van. 

Folliñas lixeiras e secas 

Fatigadas de troular. 

Folliñas que bailan co vento 

Todos collidos da man.

Ven onda nós o outono 

Dacabalo do aire; 

Nos camiños da fraga 

Os ourizos xa abren. 

Síntoo chegar contento 

Da eterna viaxe 

Enredando entre as follas 

Estreando friaxe. 

ANA Mª FERNÁNDEZ.”Ondas de verde e azul”.Xerais 

Don carballo chora landras na amencida. 

E don Outono baballa néboa fría. 

Don Labrego, de sombreiro, 

Aplaude a don Castiñeiro 

Con variña de abelaira. 

E don Ourizo da chaira, 

Como non se ten coa risa, 

Cáenlle dentes de castaña

HELENA VILLAR E XESÚS RÁBADE."Dona e Don" Árbore-Galaxia