Este ano fixemos varias cousiñas para celebrar o Día da Paz no noso cole. Queremos ensinarvos as imaxes das tres actividades principais que levamos a cabo.
1. Canción da Paz
Os nenos e nenas de infantil xuntámonos cos compañeiros de primeiro e segundo de primaria para cantar unha canción neste día.
2. Carreira Save the Children
Realizamos unha carreira, mais non a modo de competición; o que buscabamos era dar o maior número posible de voltas e, por cada unha delas, aportar algo de diñeiro que puidésemos doar a esta ONG. A participación dos nenos foi moi boa, e a implicación das familias tamén. Moitas grazas!!!
3. Mercadiño solidario
Tamén realizamos un mercadiño, xa habitual, no que cambiamos un kg de comida por outros libros que os demais compañeiros e compañeiras xa desfrutaron, e que pasan a unhas mans que aínda os teñen por descubrir. E, como a carreira, todo un éxito. Moitísimas grazas ás familias pola vosa implicación.
No hay comentarios:
Publicar un comentario